(Bataknese.my.id)Lawak Adalah Ucapan kata-kata dalam bentuk tulisan maupun lisan yang di buat dengan Nuansa lucu,menghibur dan bisa membuat ketawa setiap orang yang membaca maupun mendengarkanya.
Lawak juga terbagi dalam beberapa jenis,baik itu berupa bahasa maupun karakter dan tujuan yang di bawakan sipemain,lawak juga tidak jarang dibawakan yang bersifat negatif asalkan bisa menjadikan hiburan maupun ketawa bagi banyak orang.
Di kesempatan penulisan Artikel ini kami akan menuliskan contoh lawak Dalam Bahasa Batak Toba:
Lawak Batak Yang Berjudul "Parumaen Na Pendek"
*"PARUMAEN NA PENDEK"*
Balga ma pamatang nisi Horas, jala nunga tammat sian sikkolana STM HKBP Pematang Siantar.
Bakko namai di hita halak batak, molo dung tammat gelleng sian sikkolana dipaborhat ma mangaratto tu parjalangannna, dung karejo ma asa dinunuti muse Kuliah mambuat Sarjana.
Mangaratto ma si Horas.
20 taon dang adong hea baritana manang songon dia, alana bakkol rohana paboahon tu natua-tuana, hinorhon ni naung marhasohotan ibana tu boru sileban ima boru ni Tulangna boru Jawa sian Kudus. Jala holan 1 taon do ibana naung mangaratto pintor langsung do ibana dapotan karejo di Kantor Bea Cukai di Tanjung Priok ditempathon di Divisi Bangunan & Gedung Pergudangan, dungi pintor marhasohotan do ibana ai balga do pandaraman na di Bea Cukai i.
Jala timbo ni ripena/ istrina 139 Cm lobi otik do dang sampe 140 Cm, hape si Horas timbona 169 Cm.
Juppang ma di arina dapot ma di bulanna dohot ditaonna dohot Ombasna. Dibasa-basahon Debata do 3 boru tu nasida dung marrumatangga nasida dohot boru Jawa i. Siakkangan marumur ma 17 taon, sipaitonga 15 taon siappudan 13 taon.
Jala boruna natoluon hinorhon ni akka gizi nadenggan napinanganna ala godang do pancarian nisi Horas pegawai Kantor Bea Cukai, natibbo timbo do boruna natolu i. Jala uttibbo do sian inang pangittubu na. Gabe inang pangitubuna do hira siappudan molo sauduran nasida rap mardalan.
Dilaon laon ni ari malungun ma rohani si Horas tu natua tuana, jala nekat ma ibana naikkon mulak tu huta. Marnatal dohot martaon baru dihuta do dihirim jala direncanahon rohana.
Sogot manogoti ditelepon ma natua tuana tuhuta ala adong do nomor Henpon ni natoras na dilului ibana sabulan parpudion sian akka dongan na marhombar jabuna nasida di Wonosari.
Anak : Horas bapa ...
Bapak : Horas ... ai sian ise on tahe? Ise doho ai bapa nimmu manjou ahu, ai nasi Jonggi doho?
Anak : Au doi bapa anakmu si Horas dang si Jonggi ahu.
Bapak : Amang Horas ma tutu anggia anakku naburju, songon namulak mangolu ho poang ai hurippu do naso mangolu beho nunga 20 taon sohea adong baritam, nunga tung masihol au dohot Omak mu tuho poang. Beha kabarmu anakku sian ise diboto ho poang nomor henpokku...dst.
Anak : Au pe bapa nunga masihol hian, jala alani siholhu do naikkon mulak tu huta nama hami marnatal dohot martaon baru....dst.
Bapak : Andigan ho mulak anggia ? Muse hami nimmu, ai ise huroha dongan mu amang asa dohononmu hami ?
Anak : Minggu on bapa, alai bapa unang lulu-lulu jala unang Tarsonggot roham da... Anggo ahu nunga mangoli bapa, jala nunga tolu pahoppum boru jala mulak do hami sude.
Bapak : Nauli anakku mauliate ma di Tuhan i, ai soholan Tuhan i hape na mulak mangolu, nunga dohot be anakku si Horas mulak mangolu, telepon ma au molo naung borhat hamu da. Hujemput pe hamu tu bandara Kualanamu. Jala molo dang adong hepengmu, au pe manuhor tikketmu dohot parumaen dohot pahoppukki tolussi .
Anak : Dang pola bapa adong do hepeng hu... Jemput bapa ma hami ari Kamis, sahat hirahira jam 11 manogot hami naik Lion Air.
Alani sihol ni bapakna on, sogot manogoti nunga lao dohot inattana manjemput tu bandara Kualanamu, jala ditelepon ma anaknai...
Bapak : Horas anaha nunga borhat hamu?
Anak : Satokkin nai bapa Boarding ma, nunga di ruang tunggu hami , molo hami bapa asa mura tanda onmu sarupa do sude warna ni baju nami, kaos warna merah hati lengan pendek, adong disurathon di kaos i HORAS.
Bapak : Hami nunga borhat be da tu bandara sian jabu, jala nunga husuru laem si Ambarita pamasakkon lomok lomok hasoloman ni rohami, jala nunga rade be Tuak hupesan sian lapo ni Sintua Jala asa sombu jo hita marsihol sihol poang, ai namulak mangolu6 nama ho anggo dihami, 20 taon ma sohea binege baritam, sai sinukkunan sude anakkon ni dongan nadi Jakarta i, hape laos soadong naumboto arimbos mu manang didia baritam. Jadi dung sahat hamu, pintor bahenokku do Pakkaroanion di harorom rap dohot Parumaen dohot Pahopukki. Hupaima hami ma hamu di ruang Tunggu i ate...dst...dst.
Tung sandok sihol do rohani amatta on, sappe sude do kapal habang na mendarat di Kualanamu i di panotnoti.
Juppa tikkina mendarat ma kapal habang Lion Air na mamboan anakna on. Jala dung mijur sian hopal i ditatap ma sian nadao, mura do ditanda anaknai nang dohot pahoppuna hinorhon ni seragam na pinaboa ni anaknai ima kaos warna merah hati.
Ditatap amatta on sian nadao sobbu siholna, jala didok ibana dibagas rohana... nauppendek nai ma ra pahoppukku siappudan, ninna rohana.
Holan sahat tu ruang tunggu attong, ittor mallojong do amatta on mangadu keluarga ni gellengna on.
Ala dibereng ibana na uppeddek, langsung diabing, di ummai dohot digalmiti...
Jadi Ala boru sileban do parumaen na nadiabing ni simatuana on, dang pola dia didok parumaen nai, songoni do haroa marparumaen halak Batak on ninna rohani parumaenna on... Gabe sai senyum do parumaenna on digalmiti simatuanai huhut sai diummai alana holan idope hea nasida pajuppang.
 |
| Gambar Ilustrasi |
Tarhatotong ma anakna on, didok ma.... Bapa... bapa... bapa... dang pahoppum naniabing mi... Parumaenmu doi boasa sai ummaan mu parumaen mu.. Nion do pahoppum bapa.. songgot ma rohani bapakna on, toppu di dekdekkon parumaenna on sian abingan na, maup ma timba tu toruan bah nunga niummaan parumaen niba ninna bapak na on, marhata-hata sandiri...
.....Tarhatotong Nasida sude.... 😀😀🙏
# *unanglupasenyum*
# *tetapsemangat*
# *Salamsehat*